Psa 123 | KYG | STEP | Koku'napi mai'nana Ala vekamogae, hu'na, Nagaemo ali'na maku hu'na nekagove.

Psalms 123

Mono notegamo ugefe nehaiya vaya'mo kate'mo nehai'apae'mo nehaya yokemae

1 Koku'napi mai'nana Ala vekamogae, hu'na, Nagaemo ali'na maku hu'na nekagove. 2 Afiyo, hu'na, Ali'ya'amo ne'aliya vaya'mogimo ali'ya aepa vekamo ayate'mo agege ali'ya'amo ne'aliya a'mafa'nemogimo ali'ya aepa a kanomo ayate'mo agege hu'a mai'naya kava huta Ala kava ne'mo Gotitimofeke'mo ageme ageme ne'visunageno'ae'mo hau huno lategaiye.

3 Vaya'mogimo muki afina'mo lusi kava hu'a hu'a faipa hu'a nelatae. Kahau huka lato, O Ala kava nene, hu'na, kahau huka lato. 4 Muki afina'mo alagepa hu'a mai'naya vaya'mogimo lagaefe'mo, ina agufa vaya'mo mai'nae, hu'a hapa nepaiye. Ala vaya'mo mai'none, hu'a nehaya vaya'mogimo lusi kava hu'a hu'a faipa hu'a nelatae